ព័ត៌មាន
អាកាសធាតុនៅតែក្ដៅមិនបាត់ លោកជំទាវ ឱ វណ្ណឌីន! បង្ហោះសារ ក្រើនរំលឹកឱ្យបងប្អូនថែរក្សាសុខភាពប៉ុន្មានចំណុចនេះ
May 02,2024
នេះបើយោងតាមរយៈគណនីហ្វេបុក របស់ លោកជំទាវវេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលនៃព្រះរាជាណាចក្រកម្ពុជា ផុសនាថ្ងៃទី០១ ខែ ឧសភា ឆ្នាំ ២០២៤ បានចែករំលែក សារក្រើន រំលឹកឱ្យប្រជាជនទូទាំងប្រទេស ថែរក្សាសុខភាពរបស់ខ្លួនគ្រប់គ្នា ព្រោះថា ស្ថានភាពកម្ដៅនៅប្រទេសកម្ពុជាយើង នៅឡើងកម្ដៅមិនទាន់បាត់នៅឡើយ។នៅក្នុងសារក្រើនរំលឹកនោះ មានខ្លឹមសារដូចតទៅ«នៅកម្ពុជាពេលនេះ គឺអាកាសធាតុបានប្រែទៅជាក្តៅបំផុតមិនធ្លាប់មានពីមុនមកនោះឡើយ។ សូមបងប្អូនមានការប្រុងប្រយ័ត្នខ្ពស់លើសុខភាព ដែលអាចនឹងមានការដួលសន្លប់ ឬលេសឡាស់ដោយខ្វះជាតិទឹកក្នុងខ្លួនជាដើម។ ការប្រែប្រួលអាកាសធាតុ នាពេលនេះ គឺជាការពិតហើយ។ ថ្ងៃនេះកម្ដៅឡើង អាចដល់ ៤៦ អង្សារសេទៅហើយ ដែលខ្ញុំស្នើសូមឱ្យប្រជាពលរដ្ឋយើង យកចិត្តទុកដាក់ខ្ពស់ក្នុងការការពារសុខភាពផ្ទាល់ខ្លួនឱ្យបានត្រឹមត្រូវតាមការណែនាំរបស់ក្រសួងសុខាភិបាលដែលបានចេញផ្សាយជូនសាធារណជនរួចហើយ ដែលលោកអ្នកអាចស្វែងរកមើលបានតាមទំព័រហ្វេសប៊ុករបស់ក្រសួងផងដែរ។ អ្វីដែលសំខាន់នៅពេលនេះ គឺមិនត្រូវស្ថិតនៅក្រោមពន្លឺថ្ងៃក្តៅខ្លាំងនេះក្នុងរយ:ពេលយូរពេក ដែលនាំឱ្យរលាកស្បែក បែកញើសខ្លាំងពេកធ្វើឱ្យខ្វះជាតិទឹកក្នុងខ្លួន សរីរាង្គកាយមិនអាចទ្រាំទ្របានដែលអាចឱ្យលេសឡាស់ ដង្ហក់ ឬដួលសន្លប់ ហើយគាំងបេះដូងស្លាប់ជាដើម។ ត្រូវរកទីតាំងម្លប់ជ្រក បើនៅក្រៅផ្ទះ ឫអគារ រកកន្សែង ឬក្រម៉ាជ្រលក់ទឹកគ្រប់ដណ្តប់ខ្លួន ឧស្សាហ័បាញ់ទឹកនៅជុំវិញខ្លួន ពិសារទឹកស្អាតឱ្យបានគ្រប់គ្រាន់ពី ២-៣លីត្រក្នុងមួយថ្ងៃ សូមកុំពិសារភេសជ្ជផ្អែមដែលធ្វើឱ្យកំដៅខ្លួនបុគ្គលកើនថែមក្នុងពេលដែលក្តៅខ្លាំងនេះ និងប្រើសម្លៀកបំពាក់ស្រាលស្ដើង ដៃវែង ពាក់មួកការពារកំដៅថ្ងៃ អាចប្រើឡូស្យុងការពារកំដៅថ្ងៃ ឫប្រើឆត្របាំងកំដៅថ្ងៃ។ បើនៅក្នុងផ្ទះ ឫអគារ អាចប្រើកង្ហា ឫម៉ាស៊ីនត្រជាក់ កាត់បន្ថយកំដៅ។ ចៀសវាងការបរិភោគផ្អែមពេក ប្រៃពេក ឫខ្លាញ់ពេក។ សូមជូនពរបងប្អូនប្រជាពលរដ្ឋទាំងអស់មានសុខភាពល្អ រីករាយការកំសាន្តក្នុងថ្ងៃទិវាពលកម្មអន្តរជាតិ ១ ឧសភា ចៀសផុតនូវផលប៉ះពាល់សុខភាពដោយសារកំណើនកំដៅខ្លាំងនាពេលនេះផងដែរ»។ជាចុងក្រោយ សូមបងប្អូនកុំភ្លេចប្រុងប្រយ័ត្នឱ្យមែនទែនជាមួយការឡើងកម្ដៅនេះ ព្រោះប៉ះពាល់ដល់សុខភាពបងប្អូនទាំងមិនដឹងខ្លួនប្រសិនណាបងប្អូនមិនបានតាមដាននឹងប្រុងប្រយ័ត្នខ្ពស់ ជាពិសេសលើកូនតូចកុំឱ្យគាត់លេងទាំងថ្ងៃក្ដៅ គ្រោះថ្នាក់ណាស់៕
មូលហេតុក្រោយពីខ្នងលោកជំទាវ ម៉ៅ ចំណាន ក្លាយជាប្រធានសមាគមសិល្បករខ្មែរអាណត្តិទី៦
May 02,2024
អបអរសាទរ លោកជំទាវ ម៉ៅ ចំណាន ត្រូវជាភរិយាអ្នកឧកញ៉ា គិត ម៉េង ពេលនេះត្រូវបានជាប់ឆ្នោតជាប្រធានសមាគមសិល្បករខ្មែរអាណត្តិទី៦ ប៉ុន្តែមុនក្លាយជាជាប្រធានសមាគមសិល្បករខ្មែរនេះ លោកជំទាវមានការតស៊ូណាស់។ នៅឆ្នាំ១៩៩៨ លោកជំទាវ ចំណាន បានបោះជំហានចូលប្រឡូកក្នុងវិថីសិល្បៈជាអ្នកចម្រៀងតាមភោជនីយដ្ឋាន ហើយដោយសារលោកជំទាវមានទេពកោសល្យខ្ពស់ខាងវិស័យសិល្បៈដោយក្តីស្រឡាញ់ផងនោះក៏បានបោះជំហានបន្តទៅមុខទៀងបានសម្តែងរឿង និងបានចូលក្នុងផលិតកម្មហង្សមាស ផលិតកម្មយូធូ និងផលិតស្ទឹងសង្កែរហូតក្លាយជាពិធីការិនីប្រចាំស្ថានីយទូរទស្សន៍ប៉ុស្តិ៍លេខ៥ នាសម័យនោះផងដែរ។ខ្សែជីវិតរបស់លោកជំទាវ ម៉ៅ ចំណាន មានភាពអត់ធ្មត់សង្កត់ចិត្តខ្លាំងណាស់ ទម្រាំតែល្បីឈ្មោះលើវិស័យសិល្បៈនិងមកដល់ជីវិតបច្ចុប្បន្ននេះ។ នៅខាងក្រោមនេះក៏ជាមូលហតុមួយចំនួនឱ្យលោកជំទាវ ម៉ៅ ចំណាន បានជាប់ឆ្នោតក្លាយជាប្រធានសមាគមសិល្បករខ្មែរនៅអាណត្តិថ្មីនៅពេលព្រឹកថ្ងៃទី២ ឧសភានេះ ដែលទទួលបានសំឡេងគាំទ្ររហូតដល់ ៥២៧ ស្មើនឹង៩៣ភាគរយ ខណៈលោក ផាត់ ដារារដ្ឋ ទទួលបានត្រឹមតែ២៩សំឡេងប៉ុណ្ណោះ ហើយលោក គួច ខេវិនក៏បាន១១សំឡេងដែរ។១. លោកជំទាវ ម៉ៅ ចំណាន ធ្លាប់ជាអ្នកសិល្បៈដ៏ឆ្នើមម្នាក់ទាំងការច្រៀង ទាំងពិធីការិនី និងតារាសម្តែងយ៉ាងពូកែ។ ដូច្នេះហើយ លោកជំទាវមានសមត្ថភាពអាចយល់ពីសុខទុក្ខនិងអាចដោះស្រាយបញ្ហាខាងសិល្បបានល្អបំផុត។២. លោកជំទាវ ម៉ៅ ចំណាន ជាអ្នកសកម្មក្នុងការងារសប្បុរសធម៌ និងជាអ្នកមានបេះដូងក្តីស្រឡាញ់ក្នុងការងារនេះ។៣. កាលពីថ្មីៗ នេះដែរ សម្តេចតេជោ ហ៊ុន សែន ក៏បានបង្ហោះសារថា លោកជំទាវនឹងទទួលបានការគាំទ្រតាមរយៈការបោះឆ្នោះឆ្នោតក្លាយជាសមាគមនេះដោយសារលោកជំទាវមិនចាំបាច់លំបាករឿងថវិកានោះទេ”។ ព្រោះលោកជំទាវ ជាអគ្គនាយិកាប្រតិបត្តិធនាគារឯកទេសវីងផងដែរ។៤. សូម្បីតែមហាជនក៏បានគាំទ្រលោកជំទាវឱ្យក្លាយជាប្រធានសមាគមសិល្បករខ្មែរដែរ។ ពេលនេះក្តីសុបិនបានក្លាយជាការពិតហើយ។ លោកជំទាវ ម៉ៅ ចំណាន បានជាប់ឆ្នោតជាប្រធានសមាគមសិល្បករខ្មែរអាណត្តិទី៦។អ្នកឧកញ៉ា គិត ម៉េង បានបង្ហោះសារចេញពីចិត្តចំពោះការជាប់ជាប្រធានសមាគមរបស់លោកជំទាវ ម៉ៅ ចំណាន ជាភរិយាថា ....ដោយមានការគាំទ្រពីសម្តេចអគ្គមហាសេនាបតីតេជោ ហ៊ុន សែន ខ្ញុំនឹងជួយអូន ចំណាន ដោយស្មោះអស់ពីចិត្ត ព្រមទាំងត្រៀមខ្លួនជាស្រេចក្នុងការផ្តល់ការគាំទ្រឥតងាករេដើម្បីភរិយាខ្ញុំ ជាប្រធានសមាគមសិល្បករខ្មែរ។ យើងរួមគ្នាជាដៃគូ និងជាគ្រួសារមួយ។ យើងមិនត្រឹមតែប្តេជ្ញាចិត្តក្នុងការដឹកនាំប៉ុណ្ណោះទេ ប៉ុន្តែថែមទាំងជួយបន្ថែម និងលើកស្ទួយសហគមន៍សិល្បករខ្មែរដោយក្តីមេត្តា ដោយការលះបង់កម្លាំងកាយចិត្ត និងប្រកបដោយបរិយាបន្ន។ យើងមានមោទនភាពយ៉ាងខ្លាំងដែលយើងទទួលបានឱកាសបំពេញការងារមានប្រយោជន៍ និងតំណាងឱ្យសិល្បកររបស់យើង....។អត្ថបទដោយ៖ ទ្រ សុភាព
ក្រសួងការងារប្រកាស! ឱ្យតាមរោងចក្រ ត្រូវអនុវត្ត៥វិធានការជាបន្ទាន់ ក្នុងអំឡុងពេលអាកាសធាតុក្តៅ
April 29,2024
យោងតាមសេចក្ដីប្រកាសរបស់ក្រសួងការងារ និងបណ្តុះបណ្តាលវិជ្ជាជីវៈ សូមណែនាំ ដល់ម្ចាស់ ឬនាយករោងចក្រទាំងអស់ យកចិត្តទុកដាក់អនុវត្តនូវវិធានការបន្ទាន់ ដោយហេតុថា ដោយអាកាសធាតុនារដូវប្រាំងនេះកើនកម្ដៅនៅទាន់បានធូរស្បើយនៅឡើយ ដូច្នេះហើយ ៤វិធានការនេះត្រូវអនុវត្ត ដើម្បីការពារសុវត្ថិភាពជូនបងប្អូន ដូចខាងក្រោម៖១. ត្រូវបើកទ្វារ បង្អួចទាំងអស់ ឬបន្ថែមកង្ហារបញ្ចេញខ្យល់ ឬបឺតខ្យល់ចេញ ក្នុងអគារធ្វើការ។២. ត្រូវបង្កើនការផ្គត់ផ្គង់ទឹកស្អាតសម្រាប់ពិសាដល់កម្មករនិយោជិត និងណែនាំឱ្យពិសាទឹកឱ្យ បានច្រើន និងញឹកញាប់ យ៉ាងតិច ២លីត្រក្នុងមួយថ្ងៃ ទោះបីមិនស្រេកទឹកក៏ដោយ។៣. ត្រូវបាញ់ទឹកនៅលើដំបូលអគារធ្វើការឱ្យបានយ៉ាងតិច ២ដងក្នុងមួយថ្ងៃ និងត្រូវចាត់វិធានការ ចាំបាច់ផ្សេងៗទៀត ដើម្បីកាត់បន្ថយកម្ដៅជាបន្ទាន់។៤. ត្រូវពិនិត្យប្រព័ន្ធបញ្ចេញបញ្ចូលខ្យល់ទាំងអស់នៅតាមអគារធ្វើការ ដើម្បីធានាថាដំណើរការល្អ និងត្រូវបើកឱ្យដំណើរការយ៉ាងតិច ១ម៉ោង មុនឱ្យកម្មករនិយោជិតចូលធ្វើការ។៥. ត្រូវចាត់បុគ្គលិកទទួលបន្ទុក ត្រួតពិនិត្យឧបករណ៍វាស់ស្ទង់កម្ដៅជាប្រចាំ នៅកន្លែងធ្វើការ។ ក្រសួងការងារ និងបណ្តុះបណ្តាលវិជ្ជាជីវៈ សង្ឃឹមយ៉ាងមុតមាំថា ម្ចាស់ ឬនាយករោងចក្រទាំងអស់ នឹង ចូលរួមអនុវត្តតាមសេចក្តីណែនាំនេះឱ្យបានម៉ឺងម៉ាត់ប្រកបដោយប្រសិទ្ធភាព ក្នុងស្មារតីទទួលខុសត្រូវខ្ពស់៕
ដំណឹងល្អ! ពេទ្យសូវៀត សហការជាមួយពេទ្យអូស្រ្តាលី ចុះវះកាត់ជំងឺស្រុតស្បូន ដុំសាច់ក្នុងស្បូន…
April 23,2024
យោងតាម មន្ទីរពេទ្យមិត្តភាពខ្មែរ-សូវៀតនាថ្ងៃទី២៣ ខែ មេសា ឆ្នាំ២០២៤បានឱ្យដឹងថា ខាងមន្ទីរពរទ្យបានសហការជាមួយក្រុមគ្រូពេទ្យមកពីប្រទេសអូស្ត្រាលី ដើម្បីធ្វើការវះ កាត់ជំងឺរោគស្ត្រី ជូនស្ត្រីដែលមានវិបត្តិតាមកាលបរិច្ឆេទដូចខាងក្រោម៖១.ការពិគ្រោះជំងឺរោគស្ត្រី៖ ចាប់ពីថ្ងៃទី៩ ដល់ថ្ងៃទី១៤ ខែមិថុនា ឆ្នាំ២០២៤។២.ការវះកាត់រោគស្ត្រី៖ ជំងឺស្រុតសរីរាង្គ ដូចជាស្រុតស្បូន ស្រុតប្លោកនោម ស្រុតទ្វារ លាមក ជំងឺហៀរទឹកនោមតាមទ្វារមាស ជំងឺហៀរលាមកតាមទ្វារមាស ជំងឺមិនមាន ទ្វារមាសពីកំណើត ជំងឺប្រដាប់ភេទលូតលាស់មិនប្រក្រតីពីកំណើត ជំងឺរោគស្ត្រី ដុំ សាច់ស្បូន ដុំដៃស្បូន ជំងឺលំបាកមានកូនដែលមានលក្ខខណ្ឌតម្រូវការវះកាត់ និងការវះ កាត់ដោយបោះ ម៉ាស៊ីនអង់ដូស្កូប ចាប់ពីថ្ងៃទី១០ ដល់ថ្ងៃទី១៤ ខែមិថុនា ឆ្នាំ២០២៤ ។ជាចុងក្រោយប្រសិនណាបងប្អូនចាប់អារម្មណ៍ព្យាបាល សូមធ្វើការចុះឈ្មោះសម្រាប់អ្នកជំងឺចាប់ពីថ្ងៃផ្សាយដំណឹងនេះរហូតដល់ថ្ងៃ ទី៨ ខែមិថុនា ឆ្នាំ២០២៤ នៅផ្នែកសម្ភព និងរោគស្ត្រី ឬ តាមរយៈលេខទូរស័ព្ទ០៨៧ ៧០១ ៣៧៣៕
គោលដៅធំៗ៤ក្នុងគោលបំណងនៃការពង្រឹងមណ្ឌលសុខភាព និងមន្ទីរពេទ្យបង្អែកស្រុក
April 22,2024
ក្នុងឱកាស សម្ពោធដាក់ឱ្យប្រើប្រាស់ជាផ្លូវការមណ្ឌលផ្តល់សេវាផ្នែកវះកាត់នៃមន្ទីរពេទ្យបង្អែកខេត្តសៀមរាប នាថ្ងៃទី២០ ខែមេសា ឆ្នាំ២០២៤។ សម្ដេចមហាបវរធិបតី ហ៊ុន ម៉ាណែត ក៏បានលើកឡើងពីគោលដៅធំៗ៤ក្នុងគោលបំណងនៃការពង្រឹងមណ្ឌលសុខភាព និងមន្ទីរពេទ្យបង្អែកស្រុក។ ដែលនឹងត្រូវពង្រឹងចាប់ពីឆ្នាំ ២០២៤នេះ រហូតដល់ឆ្នាំ ២០២៧។ជាការពិតណាស់ ក្នុងការពង្រឹងមណ្ឌលសុខភាព និងមន្ទីរពេទ្យបង្អែកស្រុក( ចាប់ពីឆ្នាំ២០២៤-២០២៧)ថវិកាត្រូវចំណាយជាង ១៧០លានដុល្លា។ គឺមានគោលដៅធំៗ៤ក្នុងគោលបំណងនៃការពង្រឹងមណ្ឌលសុខភាព និងមន្ទីរពេទ្យបង្អែកស្រុកមានដូចខាងក្រោម៖១.កែលំអរឱ្យប្រសើរឡើង នូវការផ្ដល់សេវាដើម្បីឆ្លើយតបទៅនឹងការរំពឹងទុករបស់ប្រជាជន។២.បង្កើនសមត្ថភាព ផ្ដល់សេវាសង្រ្គោះបឋម និងសង្រ្គោះបន្ទាន់ ឱ្យបានត្រឹមត្រូវ ទាន់ពេលវេលា កាត់បន្ថយគ្រោះថ្នាក់ដល់អាយុជីវិត។៣.បង្កើនលទ្ធភាពជួយប្រជាពលរដ្ឋ ពាក់ព័ន្ធនឹងជំងឺលើសឈាម និងជំងឺទឹកនោមផ្អែម ។ ជាពិសេសផ្ដោតលើគ្រួសារដែលមានជីវភាពក្រីក្រ និងគ្រួសារដែលងាយរងហានិភ័យ។៤.បង្កើនបុគ្គលិកតាមមណ្ឌលសុខភាព ដើម្បីអាចឱ្យមណ្ឌលសុខភាពនីមួយៗ ផ្ដល់សេវាមិនឈប់ ២៤ម៉ោងជូនប្រជាជន។ សរុបមកគោលដៅ៤ខាងលើនេះ គឺជាគោលដៅយ៉ាងសំខាន់ ក្នុងការពង្រឹងវិស័យសុខាភិបាលបន្ថែម រយៈពេល៤ឆ្នាំ គឺចាប់ពីឆ្នាំ ២០២៤នេះ រហូតដល់ឆ្នាំ ២០២៧។ គឺរដ្ឋាពិបាល បានចំណាយថវិកា ជាង១៧០លាងដុល្លាទៅលើគោលដៅធំៗ៤ក្នុងគោលបំណងនៃការពង្រឹងមណ្ឌលសុខភាព និងមន្ទីរពេទ្យបង្អែកស្រុក។ជាចុងក្រោយ សម្ដេចមហាបវរធិបតី ហ៊ុន ម៉ាណែត បានសង្តត់ធ្ងន់ ថា សម្រាប់ការចំណាយថវិកាលើវិស័យសុខាភិបាលនេះ គឺមិនមែនត្រឹមតែ១៧០លានដុល្លានេះទេ គឺមានការចំណាយជាច្រើន ទៀតជាពិសេសកាលនៅអំឡុង កូវីត១៩ រដ្ឋាភិបាលបានចំណាយលុយជាង ១ពាន់៤០០លានដុល្លាឯណ្ណោះ។ ក៏ប៉ុន្ដែការចំណាយនេះ គឺជាការចំណាយដែលចាំបាច់ ត្រូវតែចំណាយ ។ ពីព្រោះដើម្បីសុខភាពនិង សុភមង្គលរបស់ប្រជជន និងសុខភាពរបស់ជាតិយើង និងភាពរឹងមាំ ព្រោះជាតិអាចរឹងមាំបាន គឺត្រូវការមនុស្សដែលមានសុខភាពល្អ៕ស្ដាប់វីដេអូពេញ៖Hun Manet
លោកសាស្រ្តាចារ្យ សំបូរ មាណ្ណារ៉ា ជាអ្នកប្រវត្តិសាស្ត្រខ្មែរបានបន្សល់គំនិតដ៏មានតម្លៃឱ្យកូនចៅជំនាន់ក្រោយ
April 20,2024
ក្រោយចំណាយជីវិតជិត៤០ឆ្នាំ ដើម្បីប្រវត្តិសាស្ត្រខ្មែរ ពេលនេះលោកសាស្រ្តាចារ្យ សំបូរ មាណ្ណារ៉ា បានទទួលមរណភាពហើយ នៅម៉ោង៥៖៤០នាទីព្រឹកថ្ងៃទី២០ ខែមេសា ឆ្នាំ២០២៤នេះ ក្នុងជុន្មាយុ៦៧ឆ្នាំ នៅមន្ទីរពេទ្យកាល់ម៉ែត្រដោយរោគាពាធ។លោកសាស្រ្តាចារ្យ សំបូរ មាណ្ណារ៉ា ជាអ្នកប្រវត្តិសាស្រ្តខ្មែរដ៏ល្បីល្បាញ ជាអតីតសាស្ត្រាចារ្យប្រវត្តិសាស្ត្រនៃសកលវិទ្យាល័យភូមិន្ទភ្នំពេញនិងជាសាស្រ្ដាចារ្យប្រវត្តិសាស្រ្ដនៃសាកលវិទ្យាល័យបញ្ញាសាស្រ្ដកម្ពុជាផងដែរ។ លោក សំបូរ មាណ្ណារ៉ា បានកើតក្នុងគ្រួសារមានឪពុកជាគ្រូបង្រៀនហើយមាននិស្ស័យស្រលាញ់ចូលចិត្តការសិក្សាតាំងពីក្មេងៗ រហូតមកដង្ហើមចុងក្រោយ។ លោកបានក្លាយជាគ្រូបង្រៀនក្នុងឆ្នាំ១៩៨០ បានជ្រើសយកភាសាអង់គ្លេសមកបង្រៀន។ ហើយពេលក្រោយមកគាត់ក៏បានចាប់ផ្ដើមការងារជាគ្រូបង្រៀនផ្នែកប្រវត្តិសាស្ដ្រវិញម្ដង។ ព្រោះការងារនេះលោកចង់ឱ្យកូនខ្មែរដឹងពីដើមកំណើតជាតិសាសន៍របស់ខ្លួនគឺអស្ចារ្យណាស់។ ដូចជាប្រវត្តិសាស្រ្តកសាងអង្គវត្តជាដើម។ជាច្រើនឆ្នាំក្រោយមកព្រះករុណាព្រះបាទសម្ដេច ព្រះបរមនាថ នរោត្តម សីហមុនី បានត្រាស់បង្គាប់តែងតាំង និងផ្ដល់ឋានៈលោក សំបូរ មាណ្ណារ៉ា ជាទីប្រឹក្សាផ្ទាល់របស់សម្ដេច ហ៊ុន សែន ជាមានឋានៈស្មើរដ្ឋមន្ត្រីផងដែរ។ លោកលោក សំបូរ មាណ្ណារ៉ា មានប្រសាសន៍ថា នេះជារង្វាន់កិត្តិយយ៉ាងធំធេងសម្រាប់ជីវិតលោកណាស់។ នេះជាគំនិតទស្សនៈដ៏មានតម្លៃរបស់លោកសាស្រ្តាចារ្យ សំបូរ មាណ្ណារ៉ា ឱ្យកូនចៅជំនានក្រោយគួរចងចាំ៖១. ដំណោះស្រាយបញ្ហារបស់ជាតិយើងនេះ គឺត្រូវការការអប់រំ។២. សុំឱ្យយុវជនកុំជាតិនិយមជ្រុលពេក ហើយកុំភ្លេចសិក្សាពីប្រវត្តិសាស្រ្តខ្លួនឯងផង។៣. កុំយំឱ្យគេអាណិត ត្រូវប្តេជ្ញាចិត្តធ្វើឱ្យគេកោត៤. គុណធម៌ជាគុណតម្លៃដែលកូនត្រូវអនុវត្តនិងធ្វើជាប្រចាំថ្ងៃ៥. ខ្ញុំអាចធ្វើឱ្យមនុស្សរាប់សែននាក់ក្លាយជាមនុស្សមានតម្លៃក្នុងសង្គមហើយពួកគេជាអ្នកទទួលបានផលពីការអប់រំនេះឯង។ ខ្ញុំបានព្យាយាមធ្វើរឿងនេះ តាំងពីខ្ញុំមិនទាន់មានតួនាទីអ្វីសោះម្ល៉េះ! ប៉ុន្តែតួនាទីនេះបានជម្រុញផ្លូវចិត្តរបស់ខ្ញុំបន្ថែមឱ្យខំប្រឹងប្រែងបន្ថែមទៀតដើម្បីប្រទេសជាតិមួយនេះ។ ហើយការផ្ដល់តួនាទីនេះក៏បានបញ្ជាក់ថា ការងាររបស់ខ្ញុំកន្លងមកគឺខ្ញុំបានដើរលើកំណាត់ផ្លូវដ៏ត្រឹមត្រូវហើយ។ ៦. ខ្ញុំមិនដឹងថា ខ្ញុំត្រូវឈប់បង្រៀននៅពេលណានោះទេ ប៉ុន្តែខ្ញុំនឹងបន្តបង្រៀនរហូតដល់ដង្ហើមចុងក្រោយនៃជីវិតរបស់ខ្ញុំ។សូមវិញ្ញាណក្ខន្ធលោកសាស្រ្តាចារ្យ សំបូរ មាណ្ណារ៉ា បានទៅកាន់សុគតិភព!អត្ថបទដោយ៖ ទ្រ សុភាព
